Dei rare,
skjelvande strengene
frå inne bak auga
til inst i magen ein stad
Med smak av lipshine på tunga
og lukta av valcrema
i vibrerande nasebor
Kan nokon stoppa
klasseromet?
Det gyngar opp og ned
Skal det då aldri
bli friminutt?


Heidi

Inn i ei solsikke

Bjørker og nymalte hus
Det kvite og det grøne
Eit vibrerande landskap
for augene mine
Eg finn eit
syrinfarga hol i dagen
og flyg
Bak den siste åsen
Kryp eg inn i ei solsikke
som strekkjer seg mot Gud
Der bur eg i fred
ei veke eller meir
Så veit ingen
kva som hender.

Heidi

(Bilete frå Flickr commoms)
Heidi

Ta på meg

Ta på meg
i det skarpe morgonlyset
Ta på meg
og fyll bølgjene mine
på ny
med mot.


Heidi

Blå skuggar

Angsten min
kastar blå skuggar
mot kvit snø
Noteliner
der fuglane skriv
med enkle fotspor
Melodiar om sorg
og elskhug
Over den kvite æva.


Heidi

Kvinnene strikkar på toget

Dei strikkar på toget
kvinnene
Strikkar sjølve livet
fast
i gult og lilla ullgarn
Forbi dei nakne trea
dei kalde vatna
den syngande hausten
Smilande, tause
sfinxar
Strikkar seg over fjella.

Heidi

Leit etter meg

Leit etter meg
i gatene
Rop på meg
frå høge hustak
Fortel meg
at her
høyrer eg heime.

Heidi

Aleine ut

Det er eg som skjønar
tida mi er komen.
Det ytste skalet
er allereie knust
til små hjelpelause bitar.
Dei kallar det noko anna
For meg kjenst det mest som å døy
Ein av desse dagane
er det eg som kjem
Aleine
med tome hender.

Heidi